Sosial İşin tərifi

Sosial iş bir ixtisas kimi əhalinin kasıb, məzlum, aciz və əzilmiş təbəqəsinin maraqları və sosial rifahı uğrunda vəkillik edən bir peşədir. Əslində sosial iş xalqın rifaının yaxşılaşmasına xidmət edən bir ixtisas kimi fəxr etməyə haqqı çatan bir ixtisasdır.Baxmayaraq ki, ilk yarandığı zamanlarda sosial iş kasıblara və məzlumlara xidmət edirdisə hal-hazırda bu ixtisasın xidmət dairəsi çox genişlənmişdir və bu günlərdə sosial işçilər sinfindən və gəlirindən asılı olmayaraq ehtiyac içində və ya çətin həyat şəraitində olan bütün vətəndaşlara kömək edən bir sahədir. Sosial işin çox yayıldığı və geniş vüsət aldığı cəmiyyətlərdə sosial işçilər məktəblərdə, bağçalarda, səhiyyə sahəsində, ailə və uşaq rifah mərkərzlərində, ruhi sağlamlıq mərkəzlərində, xəstəxənalarda, poliklinikalarda, çəzaçəkmə müəssisələrində, sənaye sektorunda, rehabilitasiya mərkəzlərində, icma inkişafı, yoxsulluğun aradan qaldırılması sahələrində, krizis mərkəzlərində, sosial xidmət göstərən bütün müəssisələrdə işləyirlər. Sosial işçilər həm özəl, həm dövlət həm də içtimai yəni QHT sektorunda fəaliyyət göstərirlər. Sosial işçilərin xidmət etdiyi insanlarin körpələrdən tutmuş yaşlı ve eyni zamanda müxtəlif sosial-iqtisadi qrupdan, irqdən və dindən olan insanlara qədər çeşidlərnir.

Sosial iş elə bir ixtisasdır ki, o insanların rifahı üçün sosial dəyişikliklər edir, insanlar arasındakı munasibətlərdə problemləri həll edir və insanların rifahını yüksəltəmək üçün onları daxili güclərinə və daxili potensiallarına axralanmağa yönəldir. Bundan başqa sosial iş, rifahlarına çatmaq üçün insanların müstəqil olmasına da şərait yaradır (Beynəlxalq Sosial İşçilər Federasiyası, 2004).